يعني إيه إعلان تجاري !؟

- يعني إيه إعلان ؟ يعني رسالة لشريحة معينة من الزبائن ترغبها في شراء منتج معين

- بيتكون من إيه الإعلان وبيتعمل إزاي ؟ سامحوني عشان مش هعرف أعرًب الكلام فهكتبه بالإنجليزي 

advertising process basically consists of:

- market research

- segmentation

- targeting certain segment"s" of customer audience 

- creation of a product that ensures satisfying a present need or creating a new need at the selected segment of customers 

- positioning the product towards these certain segment"s" of customers

- message

- art work to convey the message 

طيب إعلان أبلة فاهيتا المرعب المقزز اللي نزل الجمعة اللي فاتت فقط على يوتيوب وسبونسورد "مدفوع الأجر لتسويقه" على فيسبوك بيخاطب مين ؟ رسالته إيه ؟

- الشركة قالت إن الرسالة هي إعادة تشغيل الشريحة القديمة لفودافون واللي هيقابلها هدايا من دقايق مجانية .. طيب تشغيل الشريحة القديمة فيه شوية technical difficulties لأن التليفونات الجديدة مش هتقبل شرايح قديمة وبالتالي لازم هتروح الشركة وتدفع تمن شريحة جديدة وإعادة تشغيل الخط !

- نفترض إن الخط ده prepaid بكروت ومش محتاج إعادة تشغيل هنا بأة مين ال customer segment اللي بيخاطبها الإعلان ؟ الشريحة المقتصدة من مستخدمي التليفونات المحمولة يعني مثلاً الطلبة والعمال .. طيب ده توقيت إمتحانات ومعظم الطلبة مش هيكونوا مواظبين على استخدام يوتيوب في الوقت اللي الإعلان موجود فيه "الشركة قالت 3-4 أسابيع" والعمال معندهمش انترنت أصلاً ! وبعدين هل مستخدم الإنترنت القادر على دفع تمن اشتراكها محتاج حوافز ودقايق مجانية تخليه يستخدم شريحة فودافون ؟ ليه الإعلان ده منزلش تليفزيون على الأقل الشريحة المراد مخاطبتها أكبر ؟ 

- طيب استخدام شخصية أبلة فاهيتا وبغض النظر عن إنها سمجة وعشان اللي يشوف الإعلان يفهمه لازم يكون من متابعينها وفاهم مين دي .. طيب هو اللي عمل الماركيت ريسيرش مش عارف إن مستخدمين الإنترنت في مصر شرايح عمرية مختلفة والشريحة صغيرة السن المتابعة لأبلة فاهيتا في التوقيت ده مش فاضية ومشغولة بالإمتحانات ؟

- الكلام الغير مفهوم قد يعني أي شيء في الدنيا ومش هقدر أفسر أو أتكهن إيه المقصود بيه وهل هو شفرة من نوع ما أو لأ .. لكن ملاحظتي هي الآتي .. الدوشة اللي في الخلفية "برنامج التليفزيون" وصدى الصوت "البنت اللي شايلة البيتزا" مع حركة الكاميرا بتدخل المشاهد في حالة ترانس تخليه مستعد لتلقي أي hidden message 

- أنا مش بألف ولا أنا باحث عالمي في شئون الماثونية "whatever this is" .. لكن ال subliminal messages في الإعلانات أو مخاطبة لاوعي المشاهد طريقة معروفة من زمان ومحرمة ومجرمة دولياً لما بها من خداع وعلى ما أتذكر أول من استخدمها كان كوكا كولا في الأربعينات مع الإعلانات المتحركة في السينما والتليفزيون وكانوا بيحطوا على إزازة الكوكاكولا في المشهد المتحرك سيلويتس صغيرة لجسم أنثوي صعب تشوفه بوعيك الكامل لكن مع حركة الإعلان بيثبت في عقلك الباطن ومن هنا كانت الجدلية الكبيرة على  أخلاقية إستخدام ال subliminal messages في الإعلانات وتم تحريمها وتجريمها 

- طيب إعلان فودافون فيه subliminal messages ؟ .. أيوة اللي دارس دعاية وإعلان مش المشاهد العادي هيشوفها بوضوح مع فوكس الكاميرا وحركتها .. معظمها موجود على الصبار المتزوق على إنه شجرة كريسماس وفيه شوية برضه في الجمل الغير مفيدة والغير مفهومة اللي قالتها أبلة فاهيتا 

- طيب هل الإعلان ده فيه مقومات وبناء الإعلان التجاري ؟ لأ والمشاهد العادي مش هيفهم حاجة .. الرسالة مش واضحة والتارجيت أوديانس مش موجودين في المكان ده في الوقت ده ألا وهو الإنترنت 

- برضه كليك من أكتر من 10 سنين عملت إعلان خايب لكن مفيهوش subliminal messages لمقارنة جودة شبكتها برداءة الصوت عند موبينيل وكان إعلان سيريالي غير مفهوم لعموم المشاهدين عبارة عن مجموعة قاعدين في قعدة ياباني مع يابانيين ومحدش فاهم التاني بيقول إيه .. يعني ممكن الشركات تعمل إعلانات رسائلها مش واضحة ومش مغهومة وبيفشل الإعلان في تحقيق الغرض منه في الآخر 

- أخيراً رأيي الشخصي إن الإعلان فاشل في توصيل الرسالة .. مرعب ومقبض ومقزز في ال art work اللي فيه .. مليان subliminal messages مش عارفة عن نفسي ما هو المقصود بيها .. هل فيه شفرة أو لأ مقدرش أحكم لكن كشخص دارس دعاية وإعلان كجزء من ماجستير إدارة الأعمال من 13 سنة أقدر أقول إن مفيش بنية إعلان وهناك شيء ما مريب وغير مفهوم وعادي جداً ومقبول أن يتم التحقيق للوصول إلى ما وراءه 

- عارفة إني هيجيلي تريقة وشتيمة "كالعادة" بسبب كلامي لكن أتمنى من كل عبقرينو وكل أم عريف إنهم يدوا فرصة للشعب الجاهل العبيد والبسطاء من أمثالي إنهم يوسعوا مداركهم ويحاولوا يفهموا ما يدور حواليهم