تؤ تؤ تؤ .. ازاي تبأة ليبرالي وتعارض تحصن مجموعات مسلحة بمسجد !! فين ليبراليتك فين إنسانيتك !!
تؤ تؤ تؤ .. إزاي تبأة ليبرالي وتسمح لنفسك توافق شعب بالملايين رفض حكم عصابة فاشية مسلحة وطلب حماية جيشه الوطني منها قبل ما تدمر بلده !!
تؤ تؤ تؤ .. ازاي تبأة ليبرالي وتعارض احتجاز عصابة مسلحة لأطفال وسيدات ضد إرادتهم في داخل مسجد !!
تؤ تؤ تؤ .. إزاي تبأة ليبرالي وتعارض تخزين السلاح في الجوامع والمدارس والجمعيات الخيرية والمحلات التجارية واستخدامه في ترويع المدنيين !!
تؤ تؤ تؤ .. إزاي تبأة ليبرالي وتعارض ضرب النار العشوائي عالمدنيين في الشارع خاصة وهو مصحوباً بصراخ قادم قادم يا إسلام !!
تؤ تؤ تؤ .. إزاي تبأة ليبرالي وتعارض حدف المعارضين لعصابة فاشية مسلحة من فوق العمارات ! انت اتجننت ؟ ليبرالية إيه دي !!
تؤ تؤ تؤ .. إزاي تبأة ليبرالي وتعارض استخدام مآذن المساجد لقنص المدنيين وأفراد الشرطة والجيش !؟ .. انت غريب أوي يا أخي ليبرالي إزاي بس !!
تؤ تؤ تؤ .. إزاي تبأة ليبرالي وتعارض وجود عصابات مسلحة مدعومة بإرهابيين القاعدة تجوب شوارع القاهرة وتضرب نار عالناس في البلكونات !!
تؤ تؤ تؤ .. إزاي تبأة ليبرالي وتعارض دبح ١١ شرطي والتمثيل بجثثهم وضرب شرطي تاني حتى الموت على إيد عصابة مسلحة بتستخدم الدين وهم بيضربوه فضلوا يقولوا لأ لسة ما ماتش ويكملوا ضرب لحد ما مات !!
تؤ تؤ تؤ .. إزاي تبأة ليبرالي وتعارض فصل الدين عن السياسة وتجنيب منابر المساجد زرع فتنة وتوجيه رأي المصلين ! بأة دي ليبرالية دي ؟
تؤ تؤ تؤ .. إزاي تبأة ليبرالي وتاخد معلوماتك من مصادر رسمية وشهود عيان وما تاخدهاش من الجزيرة وإخوان ويب ونشطاء السبوبة الخونة بالأجرة !!
تؤ تؤ تؤ .. إزاي تبأة ليبرالي وترفض وجود بؤرة إرهابية مسلحة بتفتش سكان المنطقة وبتدخل بيوتهم غصب عنهم تحت تهديد السلاح !!
تؤ تؤ تؤ .. إزاي تبأة ليبرالي وترفض وجود بؤرة إرهابية مسلحة بتدبح عجول في مدرسة احتلتها وترمي زبالتها على أبواب الناس وتنشر أوبئة !!
تؤ تؤ تؤ .. إزاي تبأة ليبرالي وترفض وجود بؤرة إرهابية مسلحة مشغلة ميكروفونات ليل نهار ومانعة الناس من النوم والراحة في بيوتهم ومقيدة حريتهم !!
تؤ تؤ تؤ .. إزاي تبأة ليبرالي وترفض وجود عصابة مسلحة قاطعة الطريق لمدة شهر ونص في عز الحر وفي شهر الصيام !!
تؤ تؤ تؤ .. إزاي تبأة ليبرالي وترفض إن سكان منطقة فيها ييجي 50 عمارة مش عارفين لا يخرجوا من بيوتهم ولا يدخلوها والسلاح تحت شبابيكهم وميقدروش يتكلموا !!
تؤ تؤ تؤ .. إزاي تبأة ليبرالي وترفض حرق 50 كنيسة وملاجيء أيتام لمجرد إنها ملاجيء أيتام مسيحية ومدارس أجنبية لأنها مدارس راهبات !!
تؤ تؤ تؤ .. إزاي تبأة ليبرالي وترفض أضطهاد المواطنين المسيحيين وترويعهم والتحريض على المواطنين الشيعة وقتلهم وسحلهم في الشوارع !!
تؤ تؤ تؤ .. إزاي تبأة ليبرالي وترفض محاولة عصابة مسلحة إرهابية السيطرة على شعب كامل ووطن بحاله بالترويع والقتل والحرق وإشهار السلاح !!
تؤ تؤ تؤ .. إزاي تبأة ليبرالي وترفض عصابة مسلحة إرهابية بتعذب مواطنين عزل جوة جامع وعاملاهم غرفة إعدام وبتقلتهم وتدفنهم في مقابر جماعية تحت منصة وفي جنينة الجامع !!
تؤ تؤ تؤ .. إزاي تبأة ليبرالي وترفض عصابة إرهابية بتعذب مدنيين عزل وتقطع صوابعهم وتحرق جثثهم عشان تتاجر بيها وفي الآخر تحرق الجامع اللي كانت محتلاها عشان تزيل أي أدلة !!
تؤ تؤ تؤ .. إزاي تبأة ليبرالي وترفض عصابة مسلحة حولت مسجد لمشرحة ورصت جثث ضحاياها جواه تحت قوالب التلج عشان تقدر تصورها عالجزيرة وتتهم الأمن فيها !!
تؤ تؤ تؤ .. إزاي تبأة ليبرالي وترفض عصابة إرهابية مجرمة بتطالب بتدخل جيوش أجنبية وضرب الجيش الوطني وقتل المواطنين لتمكينها من حكم البلد !!
تؤ تؤ تؤ .. إزاي تبأة ليبرالي وترفض عصابة إرهابية عايزة تجيب إحتلال للبلد تحت مسمى الخلافة عشان الشعب يتحول من مواطنين لرعايا عبيد إحسان الوالي !!
تؤ تؤ تؤ .. إزاي يا ليبرالي ترفض الليبرالية الحديثة على الطريقة الأميريكية وترفض دعم الإرهاب العالمي !! إنت ليبرالي إنت !؟
No comments:
Post a Comment