الليبرالية أساسها تقبل وجود آراء أخرى وحق أصحاب الآراء الأخرى في طرحها والدفاع عنها لكن لا أنا مضطر أقتنع بالآراء دي ولا حتى مضطر أحترمها
مش من حقي كليبرالي أصادر على رأي حد "ماعدا الآراء الإجرامية اللي بيجرمها القانون" ومفروض عليا أساعد الكل يعبر عن رأيه لكن مش مضطر أقتنع بيه
مش ممكن يكون فيه اتجاه سياسي أو اجتماعي أو فكري بيقول إن أي حد يقول أي حاجة أقوله صح تمام انت عندك حق ! لكن أكيد كل واحد حر في رأيه وأنا حر أقتنع أو لأ
اللي فاهم الليبرالية على إنها احترام كل الآراء غلطان .. هي فقط إحترام حق الآخر في أن يكون له رأي مختلف دون إلزامي بالرأي ده أو فرضه عليا قسراً
وبالتأكيد مش من الليبرالية ولا العقل أصلاً إني أحترم أو حتى أتقبل وجود رأي مبني على قتلي أو إخضاعي بالقوة لفاشية عصابة مجرمة !
يعني بالعقل كده مش معنى إني ليبرالي فييجي حرامي يوقفني في الشارع ويسرق عربيتي وأنا أقوله تمام ده من حقك ! دي مش ليبرالية ده عبط
الليبرالية كفكر كما أعرفها هي حق الآخر في تكوين رأيه والتعبير عنه كما يشاء بلا فرض هذا الرأي على الآخرين ولا إحداث ضرر أو تأثير سلبي على حياتهم
No comments:
Post a Comment